由Kenneth霍啟剛做主席嘅香港各界青少年活動委員會，周日會搞個青年創業論壇，主講嘉賓有阿里巴巴創辦人馬雲同藝人謝霆鋒，報名人數踴躍，原本預1,000人，最後多達8,000，惟有移師亞洲國際博覽館Arena。據聞馬雲現時身在歐洲，主辦單位求神拜佛，千祈唔好有打風落雨影響馬雲行程，唔喺即使有霆鋒煮嘢食，都未必令捧場嘅人滿意。Kenneth對馬雲有信心，事關佢試過一次請馬雲演講，答應親自接機。馬雲從杭州飛來，但係天氣影響飛唔到，馬雲等到深夜天氣轉好就馬上包機飛嚟，凌晨3點至接到佢，都沒甩拖。