呢排唔少傳媒回顧政府一周年表現，英文了得嘅公民黨毛孟靜（Miss Mo）噚日就回顧吓政界過去一周年嘅英語表現。問責班子中，邊個英文最叻、最好聽？首推環境局副局長陸恭蕙喇。咁邊個講英文最難頂？教育局局長吳克儉同埋環境局局長黃錦星嘅「Chinglish」好惡頂。Miss Mo又話呀，政界中，公民黨余若薇嘅英文絕對係「冧巴溫」，文法準又好聽。
Miss Mo下月書展出書，其中一本書叫做《人山人海 A Sea Of People》，首版印2,000本，話你知「骨氣」、「江湖」英文點講，每本70蚊。另一本就係《毛孟靜小小說選》，每本78蚊。