7.1有市民選擇上街遊行，亦有人搞盛夏露天音樂會慶回歸。已有差不多八年沒有拍電影的香港金像獎導演陳果，選擇用電影以嬉笑怒罵形式來表態，新作《迷離夜》找來專長「試咪」的盧海鵬飾演黑社會人物「梁震嬰」，配以邵音音的鵝頸橋打小人阿嬸，借題發揮明玩特首梁振英，體現言論自由。導演陳果表明7.1當日會身體力行上街遊行表達訴求。
電影《迷離夜》由英皇娛樂投資、改編自作家李碧華《夜》系列小說，共分三個故事，分別由陳果、李志毅及任達華執導。當中陳果負責的短篇名為《驚蟄》，講述飾演江湖大佬「梁震嬰」的盧海鵬，因為有人阻他上位，所以到灣仔鵝頸橋找邵音音打小人。以「試咪」出名的鵬哥，除了在戲中跟邵音音不停以粗口對白互片外，鵬哥的角色被導演冠以「梁震嬰」的名字，更語帶雙關借盧海鵬角色的讀音「梁震嬰」跟特首梁振英相同，借題發揮擺明玩對方。就連梁振英經典常用來否認家中有僭建、使用多次的金句「記憶中冇」都加入對白當中，當中又借鵬哥之口以「×樣」明鬧特首梁振英。
「拍番啲想做嘅事」
導演陳果昨日接受電話訪問時表示，加入梁振英的名字表示香港還有言論自由，他說：「鵬哥嘅角色原著只話係江湖人士 ，原本冇名嘅，係拍嘅時候臨時加上去，用『梁震嬰』冇特別意思，純粹貪玩囉，因為去年11月拍嘅時候，佢嘅新聞好火熱㷫烚烚，咪加啲社會性入去，同時都證明香港都仲玩得起，始終係有言論自由。我亦都冇壓力，暫時未收到老闆嘅投訴，我諗佢哋都冇所謂。同埋反正拍鬼片，內地又唔可以上映，所以我哋可以為所欲為，拍番啲想做嘅事，當幽默一下。你受得起就受，你受唔起就算啦！」該片將於下月11日上映，雖然陳果表示拍攝時沒有想過上映時間會貼近7.1這個敏感時候，他表示自己都會在當日上街，因為是市民表達訴求的日子，他說：「支持遊行，因為遊行係表達訴求，現在7.1已經變成一個香港人表達訴求嘅節日，唔止係反邊個反乜嘢咁簡單，𠵱家大陸人都會嚟香港，借6.4、借7.1訴求大陸唔公平嘅事，我如果開工冇辦法，唔使開工都會上街。」
李碧華：有趣好笑
另外，原著作家李碧華昨日透過電影公司表示，雖然起先不知道導演陳果替自己筆下的人物冠名，但知道後她覺得很有意思，李碧華說：「覺得好有趣幾好笑，個名好有現代感，而且香港係有言論自由嘅地方，亦都好耐冇鬼片，反正唔使顧大陸市場，所以亦冇必要自我審查。」她透露對於是否支持7.1上街等其他觀點，會在自己的專欄中回應。
採訪：李森
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange