無綫《求愛大作戰》大後日播結局，形象導師、「綠魔」Karl幾乎由頭帶到尾，首集他的一身綠衣打扮率先出位，比一班求愛男更搶鏡。Karl更頻頻出席活動爭取曝光，日前他接受訪問時自爆有出版商力邀其出寫真，乘機大晒一對光管腳。
日前Karl妖爆在中環行天橋，自得其樂，他風騷爆料說：「《求愛》出街後，有出版社叫我同節目中嘅幾位港女一齊出寫真，不過今年太趕。」Karl昨日在電話中說：「𠵱家出版社叫我考慮出書教人扮靚，我都傾緊。」
約𡃁模嘆雪糕
Karl連日馬不停蹄，昨日他在天后錄影清談節目，有指《求愛》節目中的求愛男在龍目島外景玩5P，Karl賣關子說：「內容唔講得，但好睇人性鬥爭同陰暗面，幾個女仔一開始就爭床。」求愛男Cyrus被踢爆跟導師Queenie撻着，Karl說：「聚會時，佢哋成日喺角落傾偈，最尾一集有一百人見證，到時自有分曉。」
Karl表示節目達30點收視便穿網透（魚網透視裝），屆時大家會證明到他是男是女，他說：「我係男啦，企喺度屙尿，可能到時着T-back啦。」他更透露有美容公司找他代言脫毛，並指不考慮隆胸，無意轉性向。Karl前晚帶𡃁模趙哲妤到大坑晚膳，其間有講有笑，同時分享手機內的照片。飯後他們又買雪糕，一杯兩份食，稍後更上了友人座駕離開。
流失13萬觀眾
此外，求愛男Rocky、阿佳和Vincent等，前晚到了尖沙嘴一個私人晚宴，眾男現身大受場中異性歡迎。《求愛》上周平均收視得18點（約116萬觀眾），下跌兩點，流失13萬觀眾。無綫共接到7宗投訴，其中4個是導師指可接觸女性部位，亦有投訴節目旁白粗鄙。
採訪：王連連、李志明
攝影：仇志德、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange