香港嘅調查話剩女多過剩男，驟眼睇好似港女冇人要咁款，但其實有唔少黃金靚女條件好嘅，咪一樣大把男人爭，好似「千王之王」嘅乖女「索爆」咁，樣靚清純身材好，係好多宅男嘅女神。近年索爆同寶島「獨孤」撻着，令好多男士眼紅到爆。不過，索爆雖然嗒晒獨孤糖，但係關仁就聽聞獨孤一向有媾女癮，有時去party同夜蒲睇中獵物，就會叫朋友幫忙出口邀請，之後相約上房密會，搞乜嘢？大家都估到。關仁覺得以索爆條件絕對可以搵到個更好嘅，希望佢早日回頭是岸。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！