【半山區堅道】台灣總統馬英九長女、現年32歲嘅馬唯中，今年3月嫁咗畀香港摩根大通任職嘅老公蔡沛然之後，就跟隨老公移居香港，喺港島半山築愛巢。呢位「台灣第一千金」平日都好低調，最注目都係早前難得同老公出席巴塞爾藝術展派對。
專心做家庭主婦嘅馬唯中，前日下晝一個人去咗港島半山堅道屋企附近買餸準備煮飯。大約5點幾，馬唯中打扮樸素，身穿黑裙襯雞翼袖花衫，加上一副膠框眼鏡，就咁望同一位普通家庭主婦冇乜分別，點都諗唔到佢係第一千金。佢先去咗洗衣店攞咗一大袋衫，之後就抽住大袋衫去買菜。睇嚟佢對食都幾有要求，入咗一間專賣有機同高檔蔬菜嘅舖頭，最後買咗一袋菜，相信係用嚟整沙律。
邊睇邊頴手臂
掃完蔬菜，馬唯中跟住去到麵包店，見佢同店員有交談，應該係熟客仔，買咗一條法包。最後佢行去超級市場，途中佢俾店外嘅搬遷啟示牌吸引，一邊頴手臂一邊睇，駐足超過兩分鐘。入到超市，佢勁留意每一樣食物嘅標籤，睇嚟好注重健康同營養，先後花咗超過廿分鐘至買咗煙三文魚同蔬菜，之後就返咗堅道屋企。
採訪、攝影：陳辰、朱志聰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange