陳果在電影《迷離夜》中將盧海鵬角色定名為梁震嬰，擺明影射特首梁振英，又三番四次揶揄他。以下為盧海鵬和邵音音在片中打小人玩梁振英的對白。
鵬：盧海鵬 音：邵音音
鵬：呀，快啲！
音：呢啲嘢唔急得㗎，睇你都係第一次嚟啦，畀啲特別優惠你。
鵬：唉，唔使唔使，錢我大把，總之靈就得嘞。
音：嗱，麻煩你寫你個名吖。
（盧海鵬寫名）
音：哈哈哈哈哈哈，梁震嬰？
鵬：唔好咁大聲啦，鬼叫個×樣同我同名同姓咩！
音：哦，好。阿嬰哥呀，你要我點幫你？
鵬：有人阻我上位。
音：好正常吖，你個名都叫梁震嬰咯，哈哈哈哈。（掩嘴）繼續。
鵬：如果龍頭個位我坐到呢？嗰班×家鏟呢就有運行嘞。即係話，搵到水呀。
音：咁你有冇俾佢哋知道你幫佢哋搵到水吖？
鵬：喺印象中我冇。
音：你搵咁多錢，做乜×嘢呀？
鵬：咁你搵咁多錢又做乜×吖？
音：我幫你消災吖嘛。
鵬：我幫香港消災吖嘛。
音：哈哈哈，消你老×，哈哈哈哈哈。
鵬：喂，唔好鬧我老母喎。
音：哦唔係，唉，我係鬧緊你嗰班要打嘅小人呀。嗱，嬰哥咁嘞，我郁手㗎啦吓。
鵬：係，打啦。
音：唔。
音：震嬰哥，企定啦，蛇蟲鼠蟻好×多，震嬰哥，冇騰雞，祭完白虎食食齋。震嬰哥，冇姿整，白虎雄風要你挺！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！