十年前上街一員中，包括公民黨主席余若薇，她原以為十年後，會走到普選終點，事實卻是普選遲遲未至，民怨更甚於當年，余若薇認為佔領中環是特區爭取普選的出路，指港人應一如當年推翻23條，認定對，就去做，並批評中央設限阻止某些泛民參選特首是「低層次」。
50萬人逼爆維園，余若薇對此幕記憶猶新：「（地鐵）金鐘站所有人都着黑色衫，嗰日嘅感覺真係好神奇。」可惜幾十萬人上街雖推倒惡法，但何時落實真普選，十年後仍然是個問號。
更甚是特首梁振英管治下，劣迹斑斑；港人治港收窄，民怨卻擴闊至各階層，余若薇坦言，不少心灰意冷的朋友近年想過移民：「越去收窄佢（港人治港），喺頭頂壓落嚟（意即中央干預），香港人連信心都冇埋。」
公民黨今年七一遊行以「忍無可忍，狼英下台」為主題，余若薇指，「你個（政治）制度搞唔好，唔會有出路……唔可能欽點個人，搵乜粉乜粉，拍馬屁、泊碼頭就可以搞得掂」。她續稱，若沒有普選，香港最終只會走上一國一制；認為佔領中環就是特區爭普選的出路，呼籲港人無懼打壓參與。
設限阻參選低層次
她以反23條為例指：「一開始講反23條，都諗唔到50萬人上街。（從）冇諗過23條過唔到，我預咗佢通過㗎，但唔代表就要無奈接受、係咁易做吓、然後話自己盡咗力……同樣，佔中結果係點唔知，你話可能胎死腹中就唔去搞，唔去做，咁當年23條都唔使搞，係咪？」
政界流傳中央擔心一旦有普選，泛民派出如余若薇般高民望人士參選，建制候選人未必穩勝，全國人大法律委員會主任委員喬曉陽早前南下就政改放風時，刻意點名批評余，若參選特首是「豬八戒照鏡」，又指選特首者必須不與中央對抗。
余若薇坦承不少人曾問她會否參與特首：「我會答：冇需要諗某人想點、唔想點；亦有人話N屆唔選啦，佢（咪）又選，咁問嚟做咩﹖」但她明言中央若擔心某人參選是低層次：「你管一個國家，一個地方，係宏觀嘅，如果你話驚某人，係好唔通、盲塞、好儍嘅睇法。」對喬曉陽的「抬舉」更回稱說：「講咁低層次做咩？（政改）講個人係好低層次。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange