【本報資料】明晚谷戰用C跑道，預測明日天氣回復正常，估計場地掛牌為好地。
跑法：睇番4月24日谷草C欄亦是以好地作賽，當晚整體上以前置馬表現較佳，「寶正勁」一放到底，「高耀之寶」、「大將軍」、「牛精好友」及「好勝煌」守前領馬之後的貼欄位置下建功。此外，二至五檔包辦過半數頭馬，所以大家揀馬時可秤先內檔馬。
馬匹：頭場「好笑容」上仗於谷草C欄1000米入Q，刻意等番同一移欄相同路程再上陣，有運抽埋一檔，有力先拔頭籌。此外，二場「創出商機」歷季三次角逐谷草C欄均入Q，均速馬排一檔如虎添翼，憑較佳場地性能，可打開今季勝門。
睇片： http://hk.racing.nextmedia.com
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange