楊千嬅、容祖兒、楊怡與曾志偉等，昨日在沙田馬場出席太子珠寶鐘錶精英盃賽馬日，獲頒精英獎，他們每人夾100元買馬，惜輸馬收場。千嬅穿超低V裝晒平胸，自嘲說：「冇嘢睇，着咗先，志偉見到話前後掉轉着冇分別。」老公丁子高可有批准？她謂老公最近忙，今日在家湊仔，沒有時間理會，叮囑她外出不要衣着馬虎。
「係都我整」
千嬅因媽媽手發作而右手戴護腕，可能心急減肥而做運動勞損，加上抱重磅囝囝令手腕發炎：「𠵱家唔成日抱，要戴護腕兩星期先好，仔交畀媽媽湊，佢唔認得我，心傷，見我似見客咁，可能佢識social。」對於夾份買馬輸錢，千嬅自言是明燈，奶奶不買她貼的馬匹就贏錢。
有指丁子高去眼袋及變膠面，惹整容疑雲，千嬅譁然：「唔係吖嘛？你哋好耐冇見佢？佢一定唔會，如果係，整容嗰個好失敗，老公斷人米路。」她力撐老公沒有整容，只是樣子殘了，早前奶奶生日，老公找她幫手化妝：「係都我整，佢唔係食面口飯。個底靚仔，最近狀態唔好，娶咗老婆整咁靚做乜鬼？我buy佢有膊頭，男人最重要有膊頭。」
此外，楊怡解釋早前因頸椎第5、6節頸骨凸出及生骨刺而入院，沒有時間留院做物理治療，醫生建議她游水，但她不懂，問到為何不叫以前當救生員的男友羅仲謙教？她說：「佢淨係識救人，唔使佢教，大個人難學，人越大越怕。」
採訪：譚倩宜
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange