牙買加日前舉行咗國家田徑錦標賽，男子110米欄好手、倫奧銅牌得主柏治文（圖）竟然意外落馬；原因唔係因為狀態唔好，而係因為場地燈光太暗，搞到佢練習時睇唔到有個跌低咗嘅欄，踢到仆親而扭傷足踝，傷到玩唔到決賽！𠵱家牙買加田徑總會可能會畀柏治文以外卡身份，參加8月喺莫斯科舉行嘅世界田徑錦標賽。