狼英上星期係香港專業聯盟元朗區中學生暑期見習計劃啟動禮見學生，事前冇通知傳媒，但警察都出動四車警員護駕。
狼英為乜咁「低調」去呢個啟動禮？原來喺要去冧177個中五生。狼英話講自己作為長時間服務公職嘅人，做過兩所大學校董會主席，好重視教育喎。
同學仔都好識做，大讚狼英讀書叻，叫狼生指點吓佢哋點樣應付中學文憑試咁話。
不過戲肉係佢講咗好多真心話，例如佢反對上周四由網民發動的「反對本港大學濫收大陸學生」報章廣告，話本港大學生唔係九龍人、就係新界人，咁會失咗大學教育嘅一半意義。
佢又將增加土地問題，歸咎有人「為反對而反對」，連港島同大嶼山中間加個人工島都唔得，叫學生問吓啲人做乜反對喎。
「啲河蟹講完未呀？」
喺自己主場梗係特別高興啦，舊年兩個競選辦副主任都有撐場，包括香港專業聯盟主席劉炳章同新世界發展執董紀文鳳，加上中五生啲問題又被篩選過，難怪啲同學仔喺台下忍唔住要問：「啲河蟹講完未呀？」