德甲嘅多蒙特喺剛啱一季只得雙料亞軍，不過就冇影響前鋒羅拔利雲度夫斯基（右）嘅心情，上周五就喺祖家波蘭塞羅茨克市舉行婚禮，迎娶空手道高手女友安娜（左）。羅拔仔嘅婚禮嘉賓有幾百人，亦都有唔少球壇人士出席，好似佢嘅國家隊隊友、阿仙奴門將施捷斯尼等，不過竟然冇一位多蒙特球員出席，唔通蜜蜂兵團嬲佢高調要求離隊，搞到全體no show？