憑內地劇《步步驚心》爆紅的鄭嘉穎轉戰賺人仔，劇酬已狂升至50萬港元一集，搖身變成吸金王的嘉穎，據知於過去短短半年間，豪擲三千萬於香港和美國掃入三層樓，包括洛杉磯物業、柏景灣和將軍澳天晉的單位，全部都是送給媽咪和家姐自住及收租。
現年43歲的視帝鄭嘉穎前年在內地劇《步步驚心》扮演「八爺」胤禩成功上位，在香港和內地都成為搶手貨，人氣急升的他轉戰內地賺人仔，至今已狂拍六部內地劇包括《葉問》、《英雄》和《滾滾紅塵》等，剛剛才拍完新劇《華胥引》。據知嘉穎的劇價亦三級跳，已飆升至50萬港元一集，內地廣告價更逾千萬，短短一年已吸金半億，難怪今年打入福布斯中國名人榜第48名。
美物業獻姊天晉給母
成為吸金王的嘉穎雖然在內地密密賺，但不忘照顧在香港的媽咪和在洛杉磯的家姐，據知孝順仔嘉穎繼早前豪擲1,200萬買入柏景灣單位送給媽咪後，月前又花800萬港元在洛杉磯買樓讓家姐安居樂業，以及大手筆豪擲千多萬購入將軍澳天晉二期樓花，消息指這層新樓嘉穎不是用來自住，而是再送給媽咪作收租之用，讓老人家收租買花戴，果然孝順。
近期無綫小生頻頻入市買樓，繼陳豪以逾三千萬購入大埔比華利山4,000呎獨立屋作愛巢、吳卓羲以近900萬買入深井碧堤半島第5座的高層1,200呎單位後，鄭嘉穎亦唔執輸乘勢入貨買天晉。昨日記者致電嘉穎查詢，他坦言：「之前買咗單位畀媽咪，最近喺將軍澳再買層樓畀媽咪收租，想媽咪開心，有穩定收入，自己成日唔喺香港返內地做嘢，媽咪有樓收租唔怕冇錢使，𠵱家自己經濟能力好啲，想照顧屋企人。」
「自己租樓住唔使煩」
雖然嘉穎已有三層樓在手，但都不是他自住，嘉穎說：「等屋企人無憂先諗自己，我都有留意樓市，𠵱家啲樓太貴，等回落少少先買畀自己住，我相信樓價有機會回落，睇定先再買，自己一年成十個月都喺內地做嘢，買咗樓都冇機會住，所以選擇自己租樓住，唔使煩。」為甚麼返港不跟媽咪住要租樓？他說：「媽咪習慣一個人住，自己工作時間唔定，怕返屋企時嘈醒媽咪，我哋慣咗各自生活。」
身為無綫視帝的嘉穎亦不忙幫娘家出一分力，早前無綫劇集收視不濟，甚至連重頭劇《金枝慾孽貳》收視和口碑都差爆，除出動曾志偉監製新劇《Aerobic Girls》（暫名《舞室保衛戰》），又搵黃子華孭飛拍《My盛Lady》救亡外，嘉穎明年亦回歸無綫助陣，他透露明年會接拍王心慰監製的新劇，而今日他就飛台北拍新歌MV和新碟封面。
採訪：葉雪
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange