日本巨肺天后MISIA前晚第三次在港開騷，於亞博館舉行其15周年紀念演唱會，吸引3,000樂迷到場。MISIA唱出多首經典歌曲，唱到第二首《深情包圍》時，她已展示出其海豚音唱功。她再以超高技巧唱出acoustic版的首本名曲《Everything》，令樂迷耳目一新。其後的人氣日劇《仁醫》主題曲《再見你一次》及《難忘的日子》等都叫觀眾歡呼狂叫。
MISIA主要以英文與觀眾溝通，但仍學了廣東話「多謝你哋、我愛你哋」去冧港迷。
到安哥時，她與三名女和音鬥唱，更肉緊到整個人碌在地上，比觀眾還要high，唱到最後一首歌曲《為明天而唱》最後一句時，MISIA更不用咪高峯，其雄亮聲線響遍全場，令觀眾拍爛手掌！
採訪：阮瑜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！