港交所（388）主席周松崗同行政總裁李小加今晚好唔得閒，要走兩場。傍晚先要喺金鐘一間酒店慶祝港交所上市13週年，招呼完做主禮嘉賓嘅CY之後，就要走去中環一間酒店參加LME亞洲年會開波酒會。
LME亞洲年會開波
真正唔得閒嘅其實係CY，佢上場一年，一路話處理房屋問題，但樓價依然高企，上月爆出「首席梁粉」張震遠旗下商交所唔掂，辭晒所有公職，轉頭來一位「輕輕的我走了，正如我輕輕的來」嘅斯諾登。可惜，CY今日現身港交所酒會，應該都係十個no comment。
講番港交所，佢買起LME後，本周首次在港舉行LME亞洲年會，準備喺今年底功成身退嘅LME行政總裁艾博賢（Martin Abbott）亦會在場主持大局。