「首席梁粉」張震遠旗下商交所早年獲得中遠集團支持，入股一成，董事長魏家福更出任董事。商交所自上月中停止交易，一眾股東同董事冇晒影，商交所網站又將董事同管理層名單刪去，魏家福仲係咪董事變成一個謎，之不過，內地傳媒近日就傳出，魏總將會退休了。
63歲嘅魏家福做船長出身，1998年開始為中遠集團掌舵，家陣身兼中遠控股（1919）董事長，可惜近年估錯市，遇上航運業超低潮，令到中遠控股過去兩年，每年約蝕百億元人仔，喺A股被標籤「ST」，有退市風險。
傳出佢快將退休嘅消息後，內地網民繼續鬧爆，指佢早該下台，仲要追究責任先得。