尼馬繼續個人騷！上周六洲際國家盃A組最後一輪分組賽，巴西主場以4:2擊敗意大利，3戰3勝首名出線，尼馬分組賽3仗均有進賬及包辦3仗最佳球員外，今季國際賽入球亦已累積14個，追平武勒、朗拿度等紀錄。
巴西與意大利賽前兩戰全勝提早出線，今仗決定首名誰屬；森巴兵團面對意軍有派路及迪羅斯因傷停缺陣，形勢佔優。來季將加盟巴塞隆拿的尼馬，曾被巴塞隊醫批評身材太單薄，需增加體重，不過未入波前，這位21歲前鋒就展示硬淨防守一面；28分鐘尼馬「飛鏟」意軍後衞阿比迪，被球證判罰黃牌，阿比迪更因右肩傷提早退下火線，球隊賽後公佈，阿比迪已無緣再戰今屆洲際盃。
射入靚罰球收死保方
尼馬身穿巴西至高無上的10號球衣，洲際盃開始前被質疑未夠班，不過分組賽3戰確展示出球王潛質；今仗就化身巴西死球專家，上半場補時階段，尼馬開出罰球，前鋒費特頭槌攻門，意軍門將保方撲出不遠，丹迪門前執雞，主隊先開紀錄。換邊後10分鐘，尼馬主射罰球，巧妙地彎過人牆直飛網角，保方再度束手就擒，巴西再領先2:1。
尼馬分組賽3戰累積3個入球，而他自上年8月開始，為國家隊攻入14個入球，已平了國內名宿朗拿度，以及武勒及古華特單季入球紀錄。巴西已打入準決賽，即尼馬尚有兩場在手，有望突破紀錄；戰至69分鐘尼馬退下火線，由明尼路中場班納特安尼斯奧入替，不過他仍獲大會選為今仗最佳球員。NBA湖人後衞拜恩，趁足踝傷休息期間，到巴西進行宣傳活動，上周六親臨球場欣賞比賽，賽後亦與尼馬合照。
巴西全勝首名闖4強
撇開尼馬個人騷，今仗兩軍都盡情鬥攻，合演精采比賽；51分鐘巴洛迪利美妙後踭，傳交中場基亞卓尼利窄位勁射入網，一度追成1:1平手，也令巴西嘗到今屆賽事首個失球。但巴西整體實力仍在意軍之上，憑中鋒費特66及89分鐘梅開二度，贏4:2，3戰全勝A組首名出線。巴西教練史高拉利說：「這是一場重要勝利，增添隊員信心；但亦有改善地方，包括在領先之下，如何控制戰局。」文：牽牛
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange