熱火周一就會舉行勝利巡遊，而一班球員近日都忙於接受訪問。當中後衞獲迪日前自爆，喺終極第7戰賽前同教練史普利斯查傾過，原本佢諗住減少自己上陣時間，但係史帥令佢回心轉意。獲迪喺上周三、周四賽前兩日仲不停為膝蓋做治療，賽前一日又抽咗大量積水！結果佢上陣39分鐘，攻入23分助球隊奪冠，真係幾辛苦都抵番晒啦。