兩女之母徐淑敏漸變人乾，近年體重更急降至只得100磅，咪神地位不保，上圍由出道的E cup跌到B cup。Suki笑言：「朋友都擔心我厭食症，但我其實有勁食，只係唔吸收。」她都積極增磅回復咪神封號，她說：「要肥番就要再陀B。」
產後易脫髮
現年28歲的Suki不設防追仔，她說：「我想30歲前追個仔，生埋就肚皮收工，都唔想太老先去生。」雖然期待為老公黃浩追慈姑椗，但Suki都有隱憂，她說：「我次次生完BB，跟住嘅兩、三個月就甩好多頭髮，至少冇咗四分一，𠵱家頭髮薄咗好多。唔止男人緊張甩頭髮，女人都擔心會稀疏。」
當看到兩個囡囡Vianna及Renne越大越精靈，Suki又會忘記脫髮危機，她說：「佢哋嗲到暈，好過癮。兩姊妹性格好唔同，Vianna講嘢好叻，嗌交包保唔會輸，Renne就好有音樂感。」Suki對兩女管教非常自由，她不介意兩女將來步踏上選美台，她說：「佢哋鍾意嘅話，我會支持，我都接受畀佢哋課餘試吓拍嘢，好多藝人都童星出身，不過童星就比較老積。」Vianna及Renne的樣子似足爹哋，身為宅男女神Suki希望將來囝囝可有她的優良傳統，長大成宅女男神。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！