前晚「雷頌德Thank You演唱會」於紅館舉行首場演出，超過20位嘉賓包括陳慧琳、楊千嬅、Big Four、馮德倫、衞蘭、JW和應昌佑等亦有份演出，金句王黎明（Leon）則任壓軸嘉賓。古巨基出場時大爆貪靚的阿Mark在家只穿大象孖煙囪「周屋走」，卻口快快爆粗講成「周X走」，引來全場大笑。
阿Mark指方力申和鄧麗欣的一段情時間不短：「你哋知道嘅就三、四年，我就知道七年，希望佢哋繼續溫馨甜蜜」。之後阿Mark對未能為羅敏莊星途出力說：「有位女歌手嘅歌，十幾年前唱片公司唔鍾意所以冇人播，但係今日重唱有好大迴響，佢星途麻麻，但係有好老公又有BB，佢係羅敏莊。」
除黑超唱《明星》
壓軸的Leon一出場即引來歌迷瘋狂尖叫，他以金句作開場白說：「大家都知，我哋唔使用口講嘢，用心講得喇！」與Leon合作多年的阿Mark淡定搞爛gag回應道：「係，情深說話未曾講吖嘛！」Leon提到因身體不適，本打算戴黑超上台唱黃霑作品《明星》，因感不尊重而作罷。他說：「我諗過，以前鍾意戴眼鏡唱歌嘅前輩都已經走晒，如果我唔戴眼鏡唱歌，係咪可以遲啲走呢？其實早走或者遲走都只係軀殼，靈魂都係會繼續飛嘅。」及後他與阿Mark一同唱出《情深說話未曾講》及《或許，未必，不過》，又與大班性感舞蹈員唱快歌，不過跳舞時只作小步搖擺。
阿Mark在台上特別感謝黃霑指導說：「霑叔教我做音樂同做君子，佢去咗之後我先記得，當年佢應該已經病，打畀我講咗好多嘢，話我啲編曲呢排唔係咁好。霑叔自己病都仲咁關心身邊人，我到𠵱家仲學緊，所以《明星》係今晚唯一唔係我自己嘅歌。」
採訪：胡比
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange