永恒策略（764）嚟緊星期五EGM，議決出售中國星（326）權益，呢鋪肥過肥仔水。呢次EGM，係永恒尋求股東批准，兌換中國星CB，及出售最多40.94億股中國星股份。以中國星現價（0.197元）計，永恒潛在套現高達8億銀，加埋手頭現金及出售觀塘物業現金回籠，淨現金將高達18億銀，或每股3.95元，係永恒現價（1.25元）三倍！又係呢批CB當中，有包括兌換價1仙及0.11元，中國星現價，遠遠超過兌換價，永恒呢壇大製作，順風順水，潛在獲利4億銀，或每股0.9元，貼近永恒現價。連埋中國星潛在增值反映，每股NAV上到6.7元，超級大折讓80%，集團上到每股淨現金值3.95元，要升2.1倍，亦未有耐上到NAV。
御泰博翻半番
御泰中彩（555）2月到家陣累積跌三成過外，PE得番五倍。又祖國頭五個月，累計銷售彩票1,249億銀人仔，同比增加咗16.3%。御泰兼且係領導性兼多元性彩票相關業務經營商，有優勢兼有大勢，繼續肥仔水，但仲要掉頭跌，唔多合理。御泰本年EPS增長20%到11.8仙，預期PE得番四倍幾。博翻半番到0.78倍，PE仲係得八倍幾。
錢雋