【放手一博】
陳昌九十年代捉緊行業先機建廠，民企珠江鋼管當初要在國企壟斷的能源市場中分一杯羹，也經歷過一波三折，才有今日的光鮮。
在番禺開鋼管廠本身已先輸一仗，遠離中國東北主要鋼材產地，以及集中大西北的市場。「來回運費每噸幾百元（人民幣．下同），仲多過賺到嘅加工費，擺明條數係冇得做嘅」。但眼見中國能源建設高峯即將到來，他深感不能錯失這個千載難逢的機會，決定瞄準當時市場上未有的直縫埋弧焊管，引進美國生產線。
當時為購買大型機組，「係唔夠錢，我就將其他企業嘅資金全部抽調過嚟，寧願停滯唔發展住，抵押埋鋼管廠嘅設備融資，都要谷鋼管出嚟」。最壞的時候，他單計銀行兩年欠息已過億元。直至02年投產後，由於市場空白，鋼管可以賣到較同行每噸貴數百元。陳昌飲到頭啖湯，賺取豐厚回報，債務自然迎刃而解。
繼任誰屬賣關子
自小接受社會主義教育，陳昌說，自小並無公司概念，也非心存大志，「只是一心搵做得大嘅項目嚟賺錢，諗住做鋼管就係投資大產出大，生產周期短。之後越做越有信心，先有計劃衝出國際。」
為加快公司國際化，陳昌建廠不久便送兩個女兒陳兆年和陳兆華到英國讀碩士，現年30餘歲已居公司要職；大兒子則掌管上市公司以外的機床和電梯公司等所有架構。他透露集團業務最後都要合併，但對未來繼任誰屬則故弄玄虛，「有個自然法則嘛，（能者居之還是長子當家？）到時再講，講得太早唔得啦」。