特首梁振英一年的表現有目共睹，連昔日的頭號「梁粉」劉夢熊也直言感到失望，認為今年7.1上街人數比以往多，不過前全國人大常委曾憲梓又再發表「偉論」挺梁兼批評佔領中環，認為佔中是要令一國兩制不成功。佔中發起人陳健民反駁，發起和平佔中目的是爭取民主，「民主呢個問題一日唔解決，我就睇唔到一國兩制點樣落實咗」。
曾憲梓指佔中損法制
劉夢熊昨出席一個回歸酒會時直言，「我支持佢（梁振英）參選係因為欣賞、寄望佢穩中求變、適度有為，但問題係佢嘅表現有好大落差，佢施政嘅動機同效果有好大偏差，變咗希望越大失望越大」。他指出，梁過去一年打算避開政治議題，集中處理以房屋為焦點的民生問題，但壓抑樓價的雙辣招出台後，縱使樓價稍有下降，但「上唔到車嘅人仍然上唔到車，想套現嘅人、換樓嘅業主又被打殘、甩唔到手，地產代理又埋怨，即係政策效果唔掂」。被問到今年7.1會否有很多市民上街，劉不諱言「我覺得係會嘅」。
不過出席同一酒會的曾憲梓就讚揚梁振英有承擔、是「好特首」，社會應該支持梁。他又批評佔中會破壞法制、金融兼且令市民不便，對香港沒有好處，「佔中最終目的係咩呢？就係反對中央管治之下嘅一國兩制不成功﹗」，又斥責發起佔中的港大學者戴耀廷「只係象棋子嘅水平」，更逕自高呼：「反對佔中﹗我哋香港要繁榮穩定」，不過曾對7.1遊行未有發表刺激性言論：「7.1遊行好事呀，表達各種意見吖嘛，我覺得從回歸到𠵱家，7.1年年都要行㗎啦」。
佔中發起陳健民強調，發起和平佔中正為了爭取民主體制，「唔係要搞亂香港，呢個民主體制成功亦都係一國兩制成功」。他呼籲建制派人士，再以攻擊態度對待佔中，只會令社會氣氛更加對立，若建制派有心化解矛盾，就應盡快提出符合《基本法》和國際標準的普選方案。