【本報訊】金價再次跌至每盎斯1,300美元低位，中國大媽來港掃金人潮雖有回升迹象，但有金舖職員指，生意暫時仍只是4、5月熱潮時的七成，還要看往後的人流會否持續上升。
尖沙嘴遊客區珠寶金飾連鎖店員工介紹，金價跌後第3天，加上天氣回晴，昨日人流明顯較上周六、日，升了三至四成；雖然仍未如4月底、5月初的瘋狂搶金，但客量也佔七、八成。
分店增兩成存貨應市
吸收了上次出現「吉盒」無金鈪賣經驗，上周五金飾店已從倉庫提取存貨，將分店金飾貨源增加兩成。他指本地客反應更快，於上周五早上，沙田及荃灣的分店已有本地消費者趁金價跌買金。
周大福（1929）發言人亦指，由於金價再次回落，自上周五起集團位於旺角、尖沙嘴和東鐵站沿線的分店，有較多內地客到訪，客戶人流開始上升，但具體數字未有統計。
明年初結婚的金小姐和鄭先生，昨從中山來港兩天遊，順道到金舖挑選龍鳳鈪，花了3萬元。來自深圳的黃小姐，上次搶金潮時也曾來港買金，她昨日來港再次入貨買了1萬多元的金手環。「見抵又買過，可以自己用，又可以畀後生、老人家……早前先有港人喺落馬洲示威唔歡迎我哋嚟，但六福、周大福就好希望我哋中國人嚟！」
【內地客心聲】
一對來自中山的準新人來港買龍鳳鈪，金小姐說：「上次金價跌有少少想過買，但好快升番……今次嚟港旅行剛巧金價跌，就趁機買。」