節目未出街已涉造假的無綫歌唱比賽《星夢傳奇》，前晚在將軍澳電視城錄影第一集，請來唱家班葉蒨文、周啟生、巫啟賢及郭偉亮擔任評判。曾自爆未有面試的梁烈唯成為頭炮參賽者，獻唱陳百強的《等》時有少許失準，他說：「有個位破破哋。」巫啟賢狠批說：「陳百強係我嘅經典，要求會較高。佢（唯唯）拍子上一塌糊塗，毀咗成首歌，難聽啲講係盲唱。」周啟生即寸爆說﹕「你話佢盲唱，我話你係廢講。」並為巫起花名叫「百彈齋主」，甚有火藥味，但情節似足羅大佑及章子怡早前在內地歌唱比賽節目中，拍枱又喊的戲劇性場面。
黃智雯唱功被彈
本報接獲讀者爆料，指高層為增加可觀性，欽點唱功差的黃智雯及張名雅等靚女入圍，而蕭正楠和胡定欣將在初賽最後一、兩集才現身，保證能直入決賽。結果前晚出賽的張名雅和黃智雯不爭氣，分別獲146.7及146.3分，包尾慘遭淘汰，張名雅更因自感唱得差及被淘汰而兩度落淚。黃智雯獻唱《愛是最大權利》時，亦被巫啟賢揶揄：「我聽到你喉嚨唱到又乾又緊又雜。」
無綫大擺烏龍計錯張景淳的得分，要重錄一次，最終寂寂無聞的鄭俊弘一唱驚人，獲得全晚最高的174.9分，郭偉亮說：「你唔好做演員，唱歌吧！」鄭俊弘賽後坦言等這機會十年：「我緊張到胃痛，唔會放棄演戲去做歌手，希望能兼顧到，多謝評判讚賞。」對節目被指抄襲內地歌唱比賽《我是歌手》，眾參賽者及鄭裕玲異口同聲表示歌唱比賽形式大同小異。問鄭裕玲何不參賽？她笑言：「我唱得唔好，自己知自己事。」
採訪：王崇穎
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange