近日球王美斯（左）同佢爸爸涉嫌逃稅嘅案件搞到滿城風雨；西班牙稅局指兩人涉嫌喺07至09年逃稅，合共超過400萬歐元（約4,100萬港元）；但美斯爸爸就喺電台度否認。不過，巴塞隆拿當地法院就接受咗稅務局提出嘅起訴，結果美斯要喺今年9月17號出庭接受聆訊；咁啱當日係下屆歐聯開鑼，換言之佢可能無法為巴塞喺來屆歐聯首戰上陣喇。