下季將會改穿摩納哥戰衣嘅哥倫比亞神鋒法卡奧（圖），趁球季結束後，國家隊又冇比賽，同大住肚嘅老婆泰朗（Taron）飛咗去美國邁阿密度假嘆世界。呢名身價接近6,000萬歐元（約6.1億港元）嘅前馬體會箭頭，同老婆喺海灘鬼咁親熱；見到Taron喺沙灘不時摸住個大肚，而法卡奧就喺側邊扶住太太，好鬼細心，睇嚟法卡奧都已經準備好晒做一個廿四孝老竇喇。