現年28歲的雨僑深信一白遮三醜，努力做一位美白達人，但原來小時候的她，曾是「一嚿炭」，去馬來西亞旅行，被誤會是當地人，身為家中獨女當然是父母的掌上明珠，3歲起每年暑假父母例必帶她周遊列國，好讓她增廣見聞，擁有一個快樂童年。
撰文：胡比
自細在長洲長大的雨僑，是家中獨女，母親是老師，自幼家教很嚴，雖然管得緊，但作為掌上明珠的她，童年比很多小朋友幸福。
被當馬拉妹
雨僑3歲開始周遊列國，每年暑假舉家都會去旅行，雨僑謂：「因為暑假媽咪就有假放，我都覺得自己好幸福，咁細過就去咁多地方，泰國、馬來西亞、日本、新加坡等，係入行之後先少咗同佢哋去旅行，我都想賺多啲錢，請父母去歐洲玩。」
貪靚的雨僑小時候曾是男仔頭一名，雨僑說：「住喺長洲好多時都會去游水，黑到成嚿炭咁，試過去馬來西亞，仲被人誤會係當地人，後來唔喺長洲讀書，開始識得要打扮，跟住就好努力美白，先至可以好似𠵱家咁白咋，我𠵱家唔曬太陽㗎。」雨僑表示媽媽仍在長洲教書，自己也會不時回去探父母，每次回長洲都會勾起不少童年回憶。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange