曼聯（圖）同車路士嚟緊7月喺泰國嘅季前熱身賽可能踢唔成！事緣泰國足總將進行新任主席選舉，有指佢哋將參選人數由180人減到72人，對已經連任3屆嘅國際足聯執委馬庫迪好有利。當地第4級聯賽球會芭堤雅FC，日前就向地方法院起訴，咁做就違反咗國際足協規例；如果泰國足總唔搞掂呢件事，泰國可能被無限期禁賽，包括下月對曼聯同車仔嘅熱身賽。