【銅鑼灣】當年被譽為最靚港姐嘅朱玲玲，隨住跳水皇后新抱郭晶晶有咗身孕，佢都就嚟升呢做嫲嫲，到時佢應該係最靚嘅嫲嫲。日前晚上8點鐘，心情大靚嘅朱玲玲同老公羅康瑞去咗銅鑼灣間意大利餐廳da Domenico晚飯，朱玲玲位手帕交葉蒨文都好鍾意幫襯。朱玲玲原本坐喺向住門口嘅位置，不過佢見有記者影相，即刻調咗個死角位坐，餐飯食咗差唔多兩個鐘，離開時朱玲玲對於晶晶嘅問題全部唔答，但全程保持微笑。
採訪、攝影：李志明、梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！