魏駿傑的媽媽前日因癌病病逝，享年82歲，昨日早上傑仔聯同兩位哥哥到灣仔辦理媽媽的身後事，心情尚算平復的他，透露因囡囡的年紀尚小，故太太張利華與囡囡並沒來港：「我媽媽喺今年3月23日發現患上末期肝癌，噚日走咗，今日我嘅心情都平復咗，佢最放唔低係教我點教個工人，始終喺父母眼中，我哋永遠都係小朋友。」他續說：「噚晚喺屋企，聽到陳百強嘅《念親恩》嗰陣，啲眼淚不期然咁流，我個女見到都攞紙巾幫我抹眼淚，仲叫我唔好喊。」他亦有將嫲嫲離開的消息告之囡囡，但她天真地問嫲嫲去了哪裏？
近年主力在內地工作的傑仔，得知媽媽生病後，盡量減少往內地工作，當他回憶與媽媽的往事時，忍不住眼紅紅說：「我哋喺母親節嗰日，專登同醫院請假同媽咪返屋企食飯慶祝，唔知係咪食蛋白質嘅份量過高，出現肝昏迷，結果同埋二哥、朋友即刻送媽咪返醫院。」
中港頻撲探病
其後傑仔因返內地登台，當晚在媽咪的耳邊叮囑要等他回來：「嗰陣媽咪迷迷糊糊話OK，但我個心放唔低，中間有一日專登返嚟望一望，我啲屋企人都主張要工作，呢個係承諾，可唔可以陪住佢走係緣份。」至於媽咪的喪禮，傑仔稱將於本月30日在香港殯儀館設靈，並跟媽媽意願選擇土葬。另外，對於近日與舊愛滕麗名的是非，傑仔只說：「呢件事我唔想再回應，今日冇任何事比搞媽咪嘅事更加重要。」
採訪：黃曉妍
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange