【銅鑼灣白沙道】昔日樂壇天后彭羚嫁咗畀林海峰之後，專心相夫教女做好人妻呢份job，就算買嘢都係買畀兩個囡囡為主，真係全心全意以小朋友行先。好似日前佢一個人去銅鑼灣行街，目的都係買冷織衫，唔使問都係織畀屋企人。佢先上咗白沙道一間樓上店，不過都係買唔到合心水嘅冷，之後轉咗行運動店，搞咁耐完全都係hea時間，行到夠鐘就去咗一幢商業大廈接細女。
採訪、攝影：吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！