亞視日前俾租車公司入稟申請清盤，但亞視話清盤申請係「惡作劇式行為」。點不知前晚真係整咗單「惡作劇式行為」，就係直播六合彩時螢幕出錯，誤將特別號碼30號當成其中一個中獎號碼。噚日通訊事務管理局因為呢件事接獲兩宗投訴，唔知有冇人以為中咗頭獎而空歡喜一場呢？
會調查交代
亞視高級副總裁葉家寶噚日喺新蒲崗出席宣傳活動就解釋：「對觀眾懷疑致歉，藝人（周嘉莉）讀出來正確，七個數字其中一個出唔到，所以個數字跳咗上去。話事前知道係無稽，現場有監票嘉賓，做足公正。」葉家寶相信係電腦程式故障：「我哋好重視呢個問題，會加強對藝人和工作人員培訓，我哋係好重視資訊準確性，會作出詳細調查和馬會交代，確保日後唔會再發生。」有「六合彩之子」之稱嘅蔡國威就話以前報六合彩都試過類似嘅電腦故障，好彩識得執生，佢話：「當時向觀眾講清楚電腦發生故障，再重複讀出正確嘅中獎號碼。」佢又話周嘉莉已經做得好好。
另一方面，馬會噚日亦發咗聲明，強調經初步了解後，係亞視嗰邊出問題。亞視呢輪頭頭碰着黑，唔通真係同佢個台慶logo有關？
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange