下月25日正式喺香港上映嘅日本話題漫畫真人片《變態超人》，前日喺朗豪坊搞優先場，影片播完之後，男主角鈴木亮平就同由老臨用底底笠頭扮嘅變態超人殺入戲院搞見面會。正牌變態超人鈴木同老翻變態超人簡直係絕代變態雙驕，佢哋齊齊同o靚模梁晶晶同孫旗鬥擺騎呢甫士，超級爆笑！鈴木更吸引在場女粉絲主動獻身玩遊戲，當老翻變態超人向佢頒發禮物時竟然將禮物塞入下體，玩得好high嘅女粉絲亦大膽伸手去攞，呢份厚禮原來係一條底底！變態雙驕最後仲同全場觀眾大合照。揚言好鍾意甄子丹同成龍嘅鈴木，仲擺咗張疑似佢化身變態超人喺酒店房窗前拍嘅「艷照」喺網誌，其實嗰個只係佢帶來香港嘅公仔咋。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange