【本報訊】儘管經濟逐步放緩，但賣化妝品的莎莎（178）近日銷售卻絲毫未見減弱迹象。
主席郭少明透露，由4月至6月中期間，整體港澳地區生意仍勁升28%，同店增長高達18%：「化妝品已經係女士的日常必需用品，真係用少一日都唔得。有信心今年生意仍會有雙位數字升幅。」
莎莎截至3月底止全年度，盈利達8.26億元，按年增長19.7%，符合市場預期。整體營業額升約兩成至76.7億元，其中佔公司生意近八成的港澳地區，同店銷售按年增長15%，下半年度的升幅為14.3%，與上半年的15.8%相若。
「30幾年前化妝品就係奢侈品，但𠵱家已經變成必需品喇，我哋對經濟波動的抗跌能力好強，我哋唔擔心。」
本季銷售增長佳
但郭少明補充，4至6月份銷售增長異常強勁，部份是因去年同期比較基數較低所致：「你哋自己打少少折扣啦！全年銷售要升雙位數，應該可以做到。」
去年莎莎租金支出佔收入比重為10.4%，按年微增0.2個百分點。郭少明稱多年前已轉租地庫或二樓舖以節省租金開支：「加租就加唔少㗎喇，但𠵱家地舖租金都仲計到數，啱啱我哋喺銅鑼灣駱克道租到舖。有信心今年租金比重都會維持穩定。」
至於內地市場，去年則虧損3,000萬元，只較前年輕微收窄，由於整固網絡，銷售點數目更減少了近9%至62個。
郭少明指出，公司近日已開始改革內地分店，把每間分店面積減半，產品種類亦減50%，以提升分店的效益：「以前大貪啲開太多大舖，𠵱家我哋搵到最合適嘅經營規模，初步改咗幾個月都幾成功。
莎莎在內地業務方面，今年會越做越好，虧損會收窄。」莎莎今年計劃開店42間，至總數291間；其中港澳預計開店13間，內地亦會增加22間，東南亞市場則增7間。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange