馬國明（馬明）、李詩韻和林夏薇昨日在電視城為無綫劇《寒山潛龍》拜神，稍後大隊將往內地拍外景，馬明被取笑為未來往內地拍劇鋪路，他笑說：「我會周圍識多啲人，最好識多啲靚女，我唔怕緋聞，間唔中有報道先有工作！」
聽聞內地有不少人主動拍門，馬明說：「我之前返內地都有人攝卡片入房門，啲女仔相仲好性感，但我唔敢打電話，我怕放蛇，覺得會貨不對辦，我寧願悶爆，都唔要呢啲調劑。」他自爆極少按摩：「我好怕人摸腰，試過有次同郭晉安去按摩，我全程kit kit kit咁笑，成個感覺好核突，搞到安仔問我發生乜事。」
採訪：何慧斯
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange