美國議息前，在車廂聽到以下對話。乘客A：「近排內銀股價跌唔少，𠵱家PE低，RSI得單位數，諗住議息後買番啲！」乘客B話買落唔少內銀，諗住執吓其他平貨，A接住講：「阿爺話降存準喎！（外電報道而已），一於溝番啲，我仲會買埋A50𠻹！」終於明白散戶指標幾咁重要。
伯老淡出量寬，強國樣衰數據齊出，釀小股災是合理預期，每月瀉一次600點，驚極有限，但港股沽空率創一年新高，內銀拆息連環破頂，加上散戶喪溝貨，三大指標嚇到Samantha即時減倉！有分析話滬指將下試舊年12月的1949，但今時唔同往日，當日「建國底」習總未坐穩，今次穿唔穿要睇阿爺心腸有幾硬。
地方債和影子銀行等問題困擾內銀，傳媒指內地最大信用卡分期平台億佰商城倒閉，某大型國有銀行80%信用卡商城分期業務都是通過億佰完成，自我引爆的企業陸續有嚟，阿爺又想棒下出良企，見到內銀仲唔運路行？
Samantha
本欄逢周三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange