伯老意外地公開退市路線圖，應是為明年退任鋪路，令下一任聯儲局主席能繼續落實其政策。另外，內地上月底以來陷入水荒，隔夜息昨抽上13厘，四大內銀都要求人行放水，可見問題嚴重。
經濟問題環環緊扣，地方債初步估計逾10萬億人仔，當濫發貸款遇上經濟放緩，PMI持續處於收縮水平，不少民企將無力還債，令壞賬迅速飆升，加上阿爺唔減準備金，以及半年結等因素，導致內銀資金緊絀，焗住要高息搶錢應急，令拆息飆升。出口數據不振、內需谷唔起、A股又將重啟新股，熱錢加速撤出內地，人仔勢將由升轉跌，中資股又點炒得起？
港股方面，恒指的回吐幅度已近去年6月升浪的0.618倍，如再失守，除二萬關外，下個支持位是08年海嘯以來的長期上升軌，目前約處於19400。現時仍是採取冇貨唔買住、有貨盡量減的策略，保留現金等市況好轉再衝過，夾硬搵股炒，吃力不討好。
科技股仍然最強勢，金山軟件（3888）及網龍（777）盈利增長佳，屬中線坐貨之選；中軟國際（354）及金蝶（268）亦可小注吸納。更進取的戰友可留意太平洋網絡（543），本月以來氣勢強盛，可待回吐至3.30元附近進場，目標4蚊。
魏力
http://www.facebook.com/2012jason
本欄逢周一、二、四、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange