國家主席習近平早排同美國總統奧巴馬會面，兩條友喺加州莊園並肩散步嘅相，被網民發現好似小熊維尼（習近平）同好友跳跳虎（奧巴馬）咁，成為國際熱照。兩人唔知食髓知味，抑或想傾吓呢排叛諜案點收科，噚日竟然去咗九龍灣MegaBox商場。
八方睇真啲，其實只係商場暑假活動「小熊維尼與好友綠色奇妙歷程」雕塑，唔知商場無心抑或有意，小熊維尼同跳跳虎並排企喺度；後排最高達20呎高嘅公仔，係小熊維尼，果然政治正確。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange