【埋身擊】
【本報訊】本港上月中開始引入孟加拉女傭，但一個月內就有三人被炒。有僱主指與孟傭「完全溝通唔到」，且公司培訓不足、文化差異大，抹窗時「擒出花槽由外面抹……」結果因怕她跌落街而解僱她。至今已有四批孟傭來港，合共38人。
記者：廖婉薇
劉先生原想聘請印傭，但「得成（僱傭中心）話首批（孟傭）係精英，喺當地培訓咗3個月，比較純品同勤力」。於是聘請一名孟傭，她於5月13日到職，但同月29日被解僱。「我同佢完全溝通唔到！」劉說得成告訴他該孟傭曾在阿聯酋工作，懂英語，但接觸後才發現她只明白「Soup」（湯）、「Rice」（飯）的單字，不明白句子，大家惟有靠身體語言溝通。
初時，女傭只吃白麵包和白飯，因怕她餓壞，便着她到廚房找食物。當她找到一包即食麵時，竟遞給劉太煮。女傭首周膳食全由夫婦包辦，如炒飯及煮公仔麵：「佢指乜，我就煮乜，請個工人要我煮嘢畀佢食！」最令他氣憤的是，「得成話佢識煮蝦仁炒蛋，但佢柴米油鹽都分唔開，又冇煮過嘢畀我哋食」。劉批評得成培訓不足，指女傭工作兩周打爛約十隻碗碟，割傷幾隻手指。
劉先生向得成投訴，要求繙譯員直接與孟傭溝通：「約咗一個禮拜，先同到繙譯員聯絡！」後來得成將孟傭送回中心再培訓四天。當她重返劉家時，更勤力清潔，改掉午睡習慣；可是，「叫佢抹車，佢直情爬上車頂抹！」
三人被炒已再獲聘用
「佢越勤力越危險呀！叫佢抹玻璃，佢就擒出窗外面個花槽抹！」劉先生嚇得立即拉她入屋，教她將布綁在竹上伸出窗外抹，但屢勸不改，「佢每朝擒出去，我每朝就拉番佢入嚟！佢跌咗落街點算？」
劉先生抵不住心理壓力，「我哋睇到佢好落力，但佢日日擒出窗，等於擺個計時炸彈喺屋企，冇可能留佢喺度」。
得成董事總經理廖翠蘭回應說：「𠵱家就算你請菲妹（菲傭）、請印尼（印傭），都唔識煮食㗎啦，都係要教！」並強調女傭抵港前已在當地受訓3個月；不少僱主都接受孟傭，甚至讚孟傭煮咖喱了得，「好多僱主都鍾意食」，並讚孟傭較聽話、積極學習及工作。她又指孟傭漸適應本港文化，如剪短頭髮、用匙羹取代用手吃飯，戒掉午睡習慣；至今來港的四批共38名孟傭，25歲至35歲不等，被炒的三人已獲新僱主聘用，正安排再來港。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange