家陣效力緊英冠昆士柏流浪嘅前南韓國家隊隊長朴智星（圖），前日俾狗仔隊影到同27歲嘅SBS電視台女主播金敏智，喺首爾雨中漫步。噚日呢位32歲嘅前曼聯球星，就喺水原世界盃球場會展中心召開嘅記者會，承認真係有咁嘅事，星仔話：「我要證實禮拜三嘅報道，我確係同佢拍緊拖。」佢仲話雙方都見咗家長，不過就未有結婚嘅打算。星仔有愛情滋潤，人都醒神啲，仲好鬼馬咁喺記者會上整咗個心形手勢，送畀金敏智㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange