大學畢業季節又到，各大企業俗稱MT（Management Trainee）嘅職位通常吸引好多畢業生申請。恒生銀行（011）今年破紀錄打算請70多位MT，較舊年多六至七成。唔通恒生將有發展大計，要預先培訓多啲精英？
現階段已請30多人
恒生發言人冇正面回應，只係話每年請幾多MT，由每個部門開出要求而定。佢哋舊年10月開始招聘，至今收到5,000份申請，請咗30幾位，餘下40幾個位就揀緊，遷就埋遲啲由外國大學回流返港嘅畢業生。
恒生MT將會接受三年培訓，除咗去唔同部門實習同上堂，仲有師徒制，可以跟一個部門主管「師傅」，仲有外展訓練，透過活動學習管理團隊。今年請MT嘅部門，包括零售銀行及財富管理、企業及商業銀行、科技及營運，同埋財務監理處。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange