新世界發展（017）聯席總經理鄭志剛（Adrian）一手搞起位於尖沙嘴嘅藝術概念商場K11，上海K11試業半年後，亦於下周五正式開幕，呢個商場同樣帶有濃厚藝術氣息，將會擺放17件中外當代藝術家嘅作品，其中一件係Adrian嘅私人收藏㖭。
英國大師級作品
Adrian拎出嚟嘅藝術品並非普通一幅畫，而係一個約1.6米高、名為Wretched War嘅銅像，由英國著名藝術家Damien Hirst喺2004年製作。
本港一間畫廊今年初曾替Damien Hirst搞展覽，幾幅由昆蟲標本組成嘅巨型畫，價值不菲。據聞，Adrian有抽空去參觀呢個畫展，但係就冇幫襯。至於佢拎出嚟呢件銅像，當初用幾錢買？對於做開幾十億、幾百億生意嘅Adrian，應該只係少數目。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange