CY成日話要搵地起樓，解決本港房屋同樓價高企問題，遠東發展（035）主席「老虎仔」邱達昌噚日就自動獻計，話香港唔需要有咁多郊野公園，郊野公園只係港英政府搞出來，畀外國人玩嘅高尚享受，家陣又有幾多香港人得閒走去郊野公園玩吖，不如將郊野公園用作起樓，解決香港住屋問題仲好喎。
講係咁講，如果真係剷平郊野公園，好多動植物就會無家可歸兼死得，點處理呢？老虎仔就話，雖然啲貓、狗、蝴蝶等小動物係好重要，但係人就更加重要，所以都係應該，起屋畀香港人住先至啱數。
哇，唔知愛護動物、環保團體聽見佢呢番高見，會否有所行動呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange