田北辰參加完港台節目《窮富翁大作戰》後，對基層苦況好了解，深明基層要「升呢」，教育好重要，所以佢近期化身田叔叔，大派總值7,800萬嘅電子英語教材畀「N無人士」，幫基層兒童脫貧。田叔叔噚日話，今年初發現呢套支筆識發聲嘅電子教材，覺得好啱唔識英文嘅基層父母陪細路學習，所以自薦做代言人，酬勞就係要該公司捐出1,000套、一套市價6至7萬蚊嘅英語教材！但田叔叔就規定家庭月入低過萬二蚊先可以申請，仲要先預繳200蚊教材費，就連協辦嘅非牟利機構，都話好難搵到合資格申請者，唔知田叔叔會唔會考慮吓放寬規定，等更多人受惠？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange