【互相包容】
首批孟傭的另一名僱主梁先生，不但滿意孟傭的表現，更聲稱樂意為她「食少啲豬肉」。與父親一起居住、仍然單身的梁先生，女傭於5月13日上班至今逾一個月。他坦言，喜歡孟傭因她們首次來港：「冇乜朋友，應該純啲！」
穆斯林不吃豬肉
他為女傭訂立工作時間表，規定每天的清潔和煮食時間。孟傭有午睡習慣，梁說：「佢跟足時間表做，做完鍾意瞓咪瞓囉，我冇所謂！」
煮食方面，梁指孟傭日常會煮咖喱魚、咖喱雞等，亦會跟梁父學煮廣東菜，如苦瓜炒牛肉，亦煮得不錯。但她是穆斯林不吃豬肉，亦不使用接觸過豬肉的食具，現時家中盛載豬肉的碗碟須分開使用；如用同一隻鑊煮餸，女傭會先煮其他菜，令大家可以同食，最後才煮豬肉。梁先生亦漸漸改變飲食習慣，「食少啲豬肉囉，食多咗雞、魚，唔係大問題」。
他指孟傭不懂說廣東話，日常要用英語溝通：「我個孟傭讀過大學，英文唔錯，反而我跟佢學孟加拉話！」《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange