內地反貪打殘唔少奢侈品股，相反賣化妝品嘅莎莎（178）業績就依然靚仔，都話女人可以食少餐、買少件衫，但護膚品同化妝品就唔慳得。難怪莎莎主席郭少明噚日喺業績會心情靚爆，仲講起30幾年來化妝品市場嘅變遷。
美麗系新馬7.1出賽
佢話，以前女仔要到16、17歲，先去買第一支唇膏、甲油，家陣13、14歲就開始幫襯。另外，以前女人50、60歲就令人覺得好老，唔打扮，家陣就越來越難睇得出幾多歲，年齡真係變咗秘密。講到興起，郭少明仲指住旁邊嘅郭太話：「你哋睇我老婆幾靚！」𠱁到59歲嘅郭太即時笑晒。
講開靚，郭少明亦係「美麗系」馬主。郭少明預告，新到馬仔「美麗里程」將於七月一日首次出賽，叫大家記得捧場。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange