【第41屆港姐競選變臉兵團】無綫第二輪港姐面試結束後，佳麗連環被起底，有讀者爆料指Jasmine跟港男黃建東拍拖，還指她是姣精，經常向男人放電，因為恨做明星搭上黃建東，兩人搭膊攬腰親密合照，又頻頻請他食「波餅」表現豪放。記者在Jasmine的facebook發現她是選美常客，中文名易海敏，乃「2012國際時尚超模香港大賽」四料冠軍，兼奪最具氣質大獎、最佳形態大獎及最具活力大獎，曾在浸會大學就讀，不知是否為入行鋪路，fb完全不見她跟黃建東的合照。
港版小雪疑變臉
黃建東昨在電話中否認跟Jasmine拍拖：「好朋友，幾年前做嘢識，知道佢參選都支持佢，我選港男佢都有支持我。」讀者指Jasmine是姣精送波餅，黃建東口窒窒說：「吓！可能熱情啲不拘小節，我𠵱家冇拍拖，工作為先。」
今屆面試港姐佳麗雖然質素勝去年，不過幾位佳麗都被質疑整容，「港版小雪」Hazel被讀者公開她的學生相，以前的她單眼皮、哨牙、pizza面，跟現在兩個樣，而她的咀仔相更越爆越多，夠晒熱情奔放；「DaDa師妹」Moonie亦被質疑變臉，有讀者指她為選港姐跟男友分手，還整容趕走鞋抽面，記者向她的前經理人施念慈查詢Moonie有否整容？施念慈回應：「我唔知喎，佢已經唔係我公司，唔方便答。」有「黑色乳牛」稱號的Tam亦被公開舊相被指整容。
至於熱門「大眼超蓮」徐豔薇在第二輪面試無影，昨日她接受電話訪問說：「我退出咗，因為私人理由，自己有新方向，唔方便透露住，但唔係入行。」
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange