無綫真人騷《求愛大作戰》是非不絕，本周尾將再out兩名參賽者，結果冇得留低的是處男Thomas及賤男Vincent。本周會播出無間道Chris之前約Vincent傾媾女心聲，暗中偷拍Vincent的真本性，他不停狂鬧港女及爆粗，盡現賤男本色，被out可謂意料中事。
另外，本周導師會給求愛男200元約會冧女，結果最沒心思的是Thomas，他主動約會Jasmine，但只買零食及帶她返公司，搞到女方喊悶黑面。反而Rocky約會Sharon去食大餐，但明知不夠錢找數，他私下答允做其他事補數，令女方深受感動。
《求》自播出以來批評多多，無綫昨日收到兩宗投訴，指節目教壞男士用錯招數追女仔，另一宗則是主持說話粗俗。至於通訊事務管理局就前晚播出一集收到三宗投訴，自《求》播出以來合共收到42宗投訴。而本周播出的兩集平均收視有19點（約122萬人次），成績一般。
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange